सुर्खेत। कर्णालीका मुख्यमन्त्री जीवनबहादुर शाहीले पथ तथा गोपनीयताको सपथ लिनुभएकाे छ । मंगलबार साँझ उहाले प्रदेश प्रमुख गोविन्दप्रसाद कलौनीसमक्ष पद तथा गोपनीयताको शपथ लिनुभएकाे हाे ।
निर्धारित समयमा मुख्यमन्त्रीका लागि शाहीको एकल दाबी पेस भएको थियो। उहालाई तीन दलीय गठबन्धनको साथ छ। उहाकाे पक्षमा नेपाली काँग्रेसका ६, माओवादी केन्द्रका १२ र नेकपा एकीकृत समाजवादीका ३ जना सांसदहरू छन्।
मुख्यमन्त्रीसहित ८ मन्त्रालय रहेको कर्णाली प्रदेशमा मन्त्रालयको भाग्यबन्डा टुंगिसकेको छैन। मन्त्रालय भागबन्डामा दलहरुभित्र मतभेद छ। कांग्रेसले मुख्यमन्त्रीसहित २, माओवादीले ४ र समाजवादीले ३ मन्त्रालय आफूले पाउनुपर्ने दाबी गरेका छन्। तर सांसद संख्याको आधारमा कांग्रसले मुख्यमन्त्रीसहित एक, माओवादीले ४ र समाजवादीले दुई मन्त्रालय पाउनेगरी छलफल भइरहेको एक सांसदले जानकारि दिनुभयो ।
