दैलेख। दैलेखमा लागु औषध सहित ३ जना पक्राउ परेका छन् । लागु औषधको कारोबारो भईरहेको भन्ने सुचनाका आधारमा जिल्ला प्रहरी कार्यालय दैलेखबाट खटिएको प्रहरी टोलीले उनिहरूलाई पक्राउ गरेको हो ।
प्रहरीले दैलेखकोे नारायण नगरपालिका वडा नं. १ पुरानो बसपार्कबाट सोमवार राती साढे ११ बजे बर्दियाको साबिक बेलवा–७ हाल बासँगढी नगरपालिका वडा नं.२ बस्ने २६ बर्षिय बिक्रम मल्ल, बाँके कोहलपुर नगरपालिका वडा नं. १० हाईस्कुल चोक बस्ने २३ बर्षिय गणेश के.सी र २६ बर्षिय हेमन्त साँउदलाई नियन्त्रणमा लिएको थियो ।
उनिहरुको साथबाट खैरो हेरोईन जस्तो देखीने धुलो ६९० एमजि लगाएत अन्य सामानहरू फेला परेको दैलेख प्रहरी प्रमुख डीएसपी भुवनेश्वर प्रसाद शाहले बताउनुभयो ।
पक्राउ परेकाहरुमाथी थप अनुसन्धानको लागी १० दिन म्याद थपी हिरासतमा राखेर अनुसन्धान थालेको डीएसपी शाहले जानकारी दिनुभयो ।
