सुर्खेत । कर्णाली प्रदेश अस्पतालमा अबदेखि आँखाको उपचार पनि हुने भएको छ । आइतबार कर्णालीका मुख्यमन्त्री जीवनबहादुर शाहीले आँखा उपचार सेवाको शुभारम्भ गर्नुभएको छ ।
सेवा विस्तारसँगै अस्पतालमा उपचार गर्न आएका बिरामीहरुको सामान्य आँखा उपचारका लागि बाहिर पठाउनुपर्ने बाध्यता हटेको छ ।
अस्पतालका निर्देशक डा डम्बर खड्काका अनुसार अस्पतालमा आँखा उपचार सेवाका लागि दुई जना आँखा रोग विशेषज्ञ डाक्टरसहित तीन जनाको टिम रहेको छ ।
उहाका अनुसार २० लाखको लागतमा आँखा विभाग स्थापना गरी सेवा सुरु गरिएको हो । साथै उपचारका लागि आवश्यक पर्ने उपकरण लगायत अन्य व्यवस्थापनका लागि प्रदेश सरकारसँग रकम माग गरिएको छ ।